राजविराज– उदयपुरको गाइघाटबाट सप्तरीको फत्तेपुर हुँदै काकडभिट्टा जादै गरेको यात्रु बस दुर्घटना हुँदा तीन जनाको मृत्यु भएको छ।

प्र१–०१–००१ ख ३४२० नम्बरको डल्फिन बस आइतबार दिउँसो कञ्चनरुप नगरपालिका–१० बदगमामा दुर्घटना भएको हो। दुर्घटनामा दुई जनाको च्यापिएर तत्कालै र एक जनाको विराटनगर स्थित गोल्डेन अस्पतालमा मृत्यु भएको प्रहरीले जनाएको छ।

दुर्घटनामा ५ जना घाइते भएका छन्। उनीहरुलाई उपचारका लागि विभिन्न अस्पताल पठाइएको छ। इलाका प्रहरी कार्यालय कञ्चनपुरका डीएसपी माधवप्रसाद काफ्ले नेतृत्वको प्रहरी टोली घटनास्थल छ।

बसका चालकलाई नियन्त्रणमा लिईएको डीएसपी काफ्लेले बताए।