विराटनगर– मोरङमा टिपरको ठक्करबाट मोटरसाइकल चालकको मृत्यु भएको छ।

सुन्दरहरैंचा नगरपालिका–१, हरैंचामा भएको दुर्घटनामा सुनसरीको दुहवी नगरपालिका–९ का ४० वर्षीय महमद हासिम मियाँको मृत्यु भएको हो।

उनी सवार प्रदेश–१–०२–०५३ प ७०१० नम्बरको मोटरसाइकललाई ना १ क ६२७० नम्बरको टिपरले ठक्कर दिएको थियो।

टिपर चालक बारा कोल्वी घर भइ मोरङको सुन्दरहरैंचा–१२ डेरामा बस्ने २५ वर्षीय पवन योन्जन रहेको प्रहरीले जनाएको छ।

मियाँको मृत्यु भएपछि स्थानीय र आफन्तले सडकमा शव उठाउन नदिएपछि स्थिती तनावग्रस्त बनेको थियो। केही समयपछि अवस्था सामान्य बनेको मोरङ प्रहरीका एसपी नारायणप्रसाद चिमरियाले बताए।