राजविराज– सप्तरीमा शुक्रबार राति मोटरसाईकल दुर्घटनामा परी एक जनाको मृत्यु भएको छ भने एक जना घाईते भएका छन्।

बोदेबर्साइन नगरपालिका–५ जाजरमा मधेश प्रदेश ०१–००४ प ८३३८ नम्बरको मोटरसाइकल अनियन्त्रित भई राति दुर्घटना भएको हो। दुर्घटनामा चालक डाक्नेश्वरी नगरपालिका–५, पातोका ३१ वर्षीय ओमप्रकाश चौधरीको मृत्यु भएको छ।

गम्भीर घाइते भएका उनको बोदेबर्साइनस्थित जीवन ज्योती अस्पतालमा उपचारका क्रममा मृत्यु भएको हो। मोटरसाइकलमा सवार अर्का एक जना घाईते छन। उनकोसोही अस्पतालमा उपचार भइरहेको प्रहरीले जनाएको छ।