गाईघाट– मदन भण्डारी राजमार्ग अन्तर्गत उदयपुरको कटारीमा विहिबार मोटरसाईकलले साईकललाई ठक्कर दिँदा १ जनाको मृत्यु भएको छ भने दुई जना घाईते छन्।

कटारीबाट सिन्धुलीतर्फ जाँदै गरेको प्रदेश २–०१–००३ प ५४२२ नम्बरको मोटरसाइकलले विपरीत दिशाबाट आउँदै गरेको साईकललाई ठक्कर दिएर दुर्घटना भएको हो। दुर्घटनामा साईकल यात्री सिन्धुली दुधौली नगरपालिका–५ घारीथुम्सीका ७१ वर्षीय अमरबहादुर सुनवारको मृत्यु भएको छ।

गम्भीर घाइते भएका सुनवारलाई उपचारका लागि कटारी अस्पताल पु¥याए पनि उपचारकै क्रममा मृत्यु भएको जिल्ला प्रहरी कार्यालय उदयपुरले जनाएको छ। दुर्घटनामा मोटरसाइकल चालक कटारी नगरपालिका–६, गेरुवाका २३ वर्षीय अनन्त मगर र पछाडि बसेका ब्यक्ति घाईते भएका छन्।

घाईते दुवैको कटारी अस्पतालमा उपचार भईरहेको प्रहरीले जनाएको छ।