काठमाडौँ– भारतमा एक ब्यक्तिले आफैँले श्रीमतीको विवाह उनका प्रेमीसँग गराइदिएको चार दिनपछि फेरि फिर्ता ल्याएका छन्।

भारतीय सञ्चारमाध्यमका अनुसार यो घटना उत्तर प्रदेशको सन्त कवीरनगर जिल्लास्थित धनघाटा प्रहरी चौकी क्षेत्रको हो। रिपोर्टअनुसार सन् २०१७ मा बबलु नामका व्यक्तिले गोरखपुरकी राधिकासँग बिहे गरे। उनीहरुका दुई सन्तान छन्।

केही समयअघि बबलु मजदुरी गर्न अर्को राज्यमा गएका बेला राधिका आफ्नै गाउँका युवक विकाससँग प्रेम सम्बन्ध परिन। यो कुरा बबलुले थाहा पाए। त्यसपछि उनले कुनै वादविवाद र झैझगडा नगरी पत्नीको इच्छाअनुसार उनलाई प्रेमीसँग विवाह गराई दिए।

हिन्दु रीतिथितिअनुसार मन्दिरमा लगेर बबलुले नै राधिका र विकासको विवाह गराए। अदालतमा पनि ववाहको रेकर्ड बनाई दिए। उनीहरु तीनै जनाले सँगै वसेर फोटो पनि खिचाए। राधिका पति र दुई सन्तान छोडेर विकासको घर गईन।

तर विवाह भएको चार दिनपछि बबलुलाई श्रीमतीको व्यापक याद आउन थाल्यो। आफूलाई सम्हाल्नै नसकेपछि मार्च २८ को राति पूर्वश्रीमती लिन उनी विकासको घर पुगे। सँगै उनकी आमा पनि गएकी थिइन्।

अन्ततः विकास पनि राधिकालाई फिर्ता पठाउन राजी भए। राधिका पनि पुरानै पति बबलुका साथमा घर फर्किन्। अहिले विकास पैसा कमाउन बाहिर गएका छन् भने बब्लु आफ्नी श्रीमती राधिकासँग जिल्लाको अन्त कतै बसिरहेका छन्।