इटहरी– पूर्व–पश्चिम राजमार्ग अन्तर्गत सुनसरीको इनरुवामा बसको ठक्करबाट मोटरसाइकल चालकको मृत्यु भएको छ।

विराटनगरबाट विरगञ्ज जाँदै गरेको ना६ख २९३१ नम्बरको बसले इनरुवाबाट धरानतर्फ जाँदै गरेको को २५प ३३७८ नम्बरको मोटरसाइकललाई सोमबार इनरुवा नगरपालिका–६मा ठक्कर दिएको थियो।

ठक्करबाट परी गम्भीर घाइते भएका मोटरसाईकल चालक सुनसरीको हरिनगर गाउँपालिका–३ का ४६ वर्षीय महेशकुमार मेहताको मृत्यु भएको प्रहरीले जनाएको छ।

जिल्ला प्रहरी कार्यालय सुनसरीका अनुसार मोटरसाइकलमा सवार सुनसरी देवानगंज गाउँपालिका–२ का ५७ वर्षीय गुगली मेहता घाइते छन्। बस चालक सिरहाको लहान नगरपालिका–१५ का ३४ वर्षीय सुर्यनारायण चौधरीलाई प्रहरीले नियन्त्रणमा लिएको छ।