जनकपुर– महोत्तरीको जलेश्वरमा ३ वर्षीया बालिका बलात्कृत भएकी छिन्। जलेश्वर नगरपालिका–३ मा बालिकामाथि बलात्कार भएको हो।

आईतबार दिउँसो खेलाउन भन्दै घरमा लगेर बालिकाका आफन्तले नै बलात्कार गरेको प्रहरीले जनाएको छ। बालिकालाई सिकिस्त अवस्थामा जलेश्वर प्रादेशिक अस्पतालमा भर्ना गरिएको छ।

बालिकालाई घरमै राखेर घटना मिलाउन खोजिएको र बालिकाको स्वास्थ्य अवस्था बिग्रिएपछि सोमबार अस्पताल भर्ना गरिएको जनाईको छ।

बालिकाको स्वास्थ जाँच भइरहेको र प्रहरीले घटनाबारे अनुसन्धान गरिरहेको जिल्ला प्रहरी कार्यालय महोत्तरीका डीएसपी सन्तुलालप्रसाद जैसवारले जानकारी दिए।