काठमाडौँ– राजावादी आन्दोलनका फिल्ड कमाण्डर दुर्गा प्रसाई काठमाडौंमा आतंक मच्चाएर ठोरी हुँदै भारत पुगेपछि पुनः झापा छिरेको आशंका प्रहरीले गरेको छ।

प्रसाई कान्ति लोकपथको बाटो हुँदै चितवन र पर्साको ठोरी हुँदै शुक्रबार मध्यरातमा भारत पुगेको र त्यहाँ पनि पक्राउ पर्ने डरले झापा छिरेको अनुसन्धानमा संलग्न एक प्रहरी अधिकारीले जानकारी दिए।

प्रहरीको केन्द्रीय अनुसन्धान ब्युरो (सीआर्ईबी)को टोलीले भारतीय प्रहरीसँग समन्वय थालेपछि सोमबार विहान उनी झापा आएको भन्ने अपुस्ट सूचना प्राप्त भएको उनले बताए। ‘भारतमै पक्राउ पर्ने देखेपछि सोमबार बिहान प्रसाईं गृहजिल्ला झापा प्रवेश गरेको भन्ने सूचना आएको छ’ प्रहरीका ती अधिकारीले भने,– ‘त्यसको आधिकारिक पुष्टि भएको छैन, हामी अनुसन्धानमै छौं। केही समय लाग्ला तर उनी पक्राउ पर्छन्।’

प्रसाईंले १७ चैतमा भिडियो सन्देश जारी गर्दै आफू काठमाडौंको एक मन्दिरमा सुरक्षित रहेको र नभाग्ने दाबी गरेका थिए। प्रहरीका अनुसार प्रसाईले उक्त भीडीओ प्रहरीको ध्यान अन्यत्र मोड्न जारी गरेको देखिएको छ। उनले भारतमा पुगेर त्यो भिडियो सन्देश जारी गरेको प्रहरीको दावी छ।

शुक्रबार तीनकुनेमा प्रसाईंले नेतृत्व गरेको प्रदर्शन अराजक बनेको थियो। अराजक समूहले निजी तथा सार्वजनिक सम्पत्ति, विभिन्न पार्टी कार्यालय, मिडिया हाउसमा आग्जनी र तोडफोड गरेको थियो भने भाटभाटेनीमा लुटपाट मच्चाएको थियो।

भिडियो खिचिरहेका एक पत्रकारसहित २ जनाको मृत्यू भएको छ भने सयौंको संख्यामा घाइते भएका छन्