महाकुम्भकी भाईरल गर्ल मोनालिसालाई फिल्म अफर गर्ने निर्देशक सनोज मिश्रा बलात्कार आरोपमा पक्राउ

काठमाडौँ– भारतको उत्तर प्रदेशस्थित प्रयागराज (तत्कालीन इलाहाबाद) मा आयोजित महाकुम्भको मेलामा रुद्राक्षको माला बेच्दाबेच्दै भाइरल भएकी युवती मोनालिसालाई फिल्मको अफर गरेका भारतीय फिल्म निर्देशक सनोज मिश्रा बलात्कार आरोपमा पक्राउ परेका छन्।

निर्देशक मिश्रलाई दिल्लीको नबी करीम प्रहरीले पक्राउ गरेको हो। दिल्ली उच्च अदालतले उनको जमानत निवेदन खारेज गरेको थियो। दिल्ली प्रहरीका अनुसार मिश्रले एउटा सानो सहरकी युवतीलाई फिल्ममा काम दिने भन्दै फोन गरेर बोलाई धेरै पटक बलात्कार गरेको आरोप लागेको छ।

आफुमाथि पटक पटक शारीरिक शोषण गरेको र कसैलाई भनेमा फिल्म उद्योगमा काम नपाउने धम्की सनोजले दिएको पीडित युवतीले बताएकी छिन्। महाकुम्भ मेलामा चर्चित बनेकी मोनालिसालाई आफ्नो फिल्म ‘द डायरी अफ मणिपुर’मा काम दिने प्रस्ताव गरेपछि मिश्राको नाम चर्चामा आएको थियो।

सुन्दरता र विशेषगरी आँखाका कारण मोनालिसा सामाजिक सञ्जालमा भाइरल भएकी थिईन। मिश्र आफैँ मोनालिसाको घर गएर उनलाई फिल्मको लागि साइन गराए र उनको तालिम पनि सुरु गरेका थिए। तर मिश्रको गिरफ्तारीले मोनालिसाको फिल्मी करियर र छविमाथि प्रश्न उठेको छ।


प्रतिक्रिया

Leave a Reply

Your email address will not be published. Required fields are marked *