काठमाडौँ– राजावादी आन्दोलनका क्रममा प्रदर्शनकारीले खोसेको सशस्त्र प्रहरीको वन्दुक अझै फेला परेको छैन।

काठमाडौंको तीनकुनेमा शुक्रवार भएको राजावादी प्रदर्शनका क्रममा सशस्त्र प्रहरीको बन्दुक खोसिएको थियो बन्दुक (ग्यास गन) अझै फेला नपरेको प्रहरीले जनाएको छ।

बन्दुक खोस्ने ब्यक्तिलाई भने प्रहरीले पक्राउ गरेको छ। बन्दुक खोसेको आरोपमा पक्राउ परेका व्यक्ति रुपन्देहीको सैनामैना नगरपालिका–१ का ३८ वर्षीय गोपाल मल्ल हुन्। उनी हाल काठमाडौँको तारकेश्वर नगरपालिका–१० मा बस्दै आएका छन्।

मल्ललाई प्रहरीले भिमसेन गोलाबाट पक्राउ गरेर गौशालामा बुझाएको थियो। उनलाई राज्यद्रोह र संगठित अपराधमा मुद्दा चलाउनका लागि म्याद थप गरिएको प्रहरीले जनाएको छ।