काठमाडौँ– म्यानमारको राजधानी नेपिडो आसपास केन्द्रबिन्दु भएर शुक्रबार दिउँसो गएको ७.७ म्याग्नेच्युडको भूकम्पमा परी मृत्यु हुनेको संख्या १ हजार ४ पुगेको छ।

भुकम्पमा परी २ हजार ३७६ जना गम्भीर घाइते भएका छन्। भूकम्पले भत्काएका घरहरूले मानिसहरू पुरिएको र भग्नावशेषबाट उद्धार भइरहेको बताइएको छ। राजधानी नेपिडो र मन्डालेमा भूकम्पले सयौं घरहरूमा क्षति पुगेको छ।

रातको समयमा मुख्य मुख्य सहरहरूमै बिजुली अवरूद्ध भएकाले समयमै उद्धार हुन नसकेको पनि बताइएको छ। त्यसले पनि मृत्यु हुनेको संख्या बढ्न सक्ने आकलन छ। केही ठाउँहरुमा भूकम्पले क्षति पुगेका घरहरू बिस्तारै बिस्तारै भत्किइरहेको पनि बताइएको छ।

बैंककमा निर्माणधीन ३० तले भवन ढल्दा त्यहाँ कार्यरत मजदुरहरू पुरिएका छन्। तीमध्ये केही मजदुरहरू अजै जिवितै रहेको र उद्धारको प्रयत्न भइरहेको बिबिसीले उल्लेख गरेको छ। ७.७ म्याग्नेच्युडको भूकम्प गएपछि ६.२ म्याग्नेच्युडको अर्को परकम्प पनि गएको थियो।