प्रहरी कार्यालय अगाडि महिलाको शव, मृत्युको कारण खुलेन

वीरगञ्ज– पर्साको वीरगञ्ज महानगरपालिका–१६ स्थित प्रहरी कार्यालय अगाडि नै एक किशोरीको शव फेला परेको छ। इलाका प्रहरी कार्यालय, नगवाको अगाडि नै शव फेला परेको हो।

जिल्ला प्रहरी कार्यालय पर्साका अनुसार शनिबार बिहान वीरगञ्ज–४ नर्सिङ क्याम्पस क्षेत्रमा बस्ने अनसुइया अग्रवालको शव फेला परेको हो। अग्रवालको मृत्युको कारण स्पष्ट खुलिसकेको भने छैन।

प्रारम्भिक अनुसन्धानका क्रममा उनको टाउको छेउमा घाउ देखिएको छ। घटनास्थलको अवलोकनबाट कुनै जंगली जनावरको आक्रमण वा लडेर उनको मृत्यु भएको हुनसक्ने अनुमान गरिएको छ।

मृतकको शव परीक्षणका लागि वीरगञ्जस्थित नारायणी अस्पताल पठाएर प्रहरीले घट्नाको थप अनुशन्धान गरिरहेको छ।


प्रतिक्रिया

Leave a Reply

Your email address will not be published. Required fields are marked *

लोकप्रिय

ताजा अपडेट