काठमाडौँ– राजावादी प्रदर्शनका क्रममा एक अराजक समुहले कोटेश्वरको भाटभटेनीमा तोडफोड, आगजनी र लुटपाट गरेको छ।

उक्त समूहले दिउँसको करिव पौने ४ बजे प्रवेश गरेर लुटपाट गरेका हुन्। प्रदर्शनकारीले वियरका वोतलसमेत लिएर गएको भीडीओ तथा फोटाहरु सार्वजनिक भएका छन्।

उक्त समूह सुरक्षागार्डलाई हातपात गर्दै भाटभटेनी सुपरस्टोर भित्र प्रवेश गरेको थियो। त्यसपछि लुटपाट गर्दै सामान बाहिर निकालेर आगजनी समेत गरेको थियो।

सुपरस्टोरको भवनका सिसा फुटाएको छ भने तरकारीहरू जथाभावी फालिदिएको छ। लुटपाट र तोडफोडका विषयमा जानकारी गराएको १ घण्टासम्म पनि प्रहरी नपुगेको जनाईएको छ।

सो समूहले तीनकुने नजिकै पर्ने आलोकनगरस्थित एकीकृत समाजवादीको कार्यालयमा आगजनीसमेत गरेको छ।। उनीहरुले कारमा आगजनी र एउटा मोटरसाइकलमा तोडफोड समेत गरेका छन्।