काठमाडौँ– राजावादी प्रदर्शनमा आवश्यक्ता परे गोली चलाउनसमेत पाउने गरी प्रहरीले मातहतका निकायलाई निर्देशन दिएको छ।

उपत्यका प्रहरी प्रमुख एआईजी टेकबहादुर तामाङले अवस्था नियन्त्रणको प्रयास भइरहेको र प्रहरीलाई गोली चलाउनसम्म निर्देशन दिएको जानकारी दिए। उनले आन्दोलनका नाममा लुटपाटमा संलग्नमाथि विभिन्न माध्यमबाट अनुसन्धान गरेर कारबाही गरिने पनि बताए।

यता, गृह मन्त्रालयमा सुरक्षा प्रमुखसहितको आकस्मिक बैठक बसको छ। वैठकमा गृहमन्त्री रमेश लेखक, गृहसचिव सहित सुरक्षा निकायका प्रमुखहरु सहभागी भए।

बैठकले अराजक प्रदर्शनको समीक्षा, र कफ्र्युका विषयमा छलफल भएको जनाईउको छ। जिल्ला प्रशासन कार्यालय काठमाडौंले केहीबेर अघिमात्रै तीनकुने क्षेत्रदेखि मनोहरा पुल, गौशलादेखि नयाँ बानेश्वर शंखमूलसम्म कफ्र्यु जारी गरेको छ।

राजावादी आन्दोलनका मुख्य कमाण्डर दुर्गा प्रसाईंकै कारण तीनकुनेमा आयोजित प्रदर्शन अराजक बगेको थियो। प्रसाईँले सुरक्षाकर्मीलाई गाली गर्दै गाडीले पेलेर निधेषित क्षेत्र तोडेका थिए। आफैं गाडी चलाएर प्रहरीलाई पेलेको भीडीओ अहिले सामाजिक सञ्जालमा भाईरल भईरहेको छ।

उनी ‘आओ–आओ’ भन्दै हातले अगाडि हिड्न इसार गर्दै गाडी लिएर अघि बढेको देखिन्छ। केही पर भने निषेधित क्षेत्रमा ठूलो संख्यामा प्रहरी उभिएका थिए। त्यस क्रममा उनले सुरक्षाकर्मीलाई अश्लिल गाली गरेका थिए।

प्रहरीले उनको गाडी रोख्न खोजे पनि उनी प्रहरीलाई नै पेलेर अघि बढे। निषेधित क्षेत्र तोडेर अघि बढेका प्रसाईंकै कारण राजावादीको आन्दोलन निकै उग्र बनेको थियो।