काठमाडौँ– भारतीय राज्य उत्तर प्रदेशमा स्कारपिओ दुर्घटना हुँदा ४ जना नेपालीको मृत्यु भएको हो।

दाङको तुलसीपुरबाट तीर्थ यात्राका लागि गएका ९ जना नेपाली सवार युपी ३१ एसी ७२०० नम्बरको स्कार्पिओ विहिबार उत्तर प्रदेशको बहराइचमा दुर्घटना भएको थियो।

दुर्घटनामा गाडीचालक तुलसीपुर उपमहानगरपालिका– ७ पर्सेनीका ३७ वर्षीय युवराज चापागाईं र सोही वडाका जितबहादुर वलीसहित चारजनाको मृत्यु भएको जनाईएको छ।

तुलसीपुर– ७ का वडाध्यक्ष रामबहादुर जिसीका अनुसार अन्य दुईजनाको भने पहिचान हुन बाँकी छ। उनिहरु पनि तुलसीपुरकै रहेको वडाध्यक्ष जिसीले बताए।

गाडीमा सवार अन्य पाँचजना घाइते छन्। उनीहरूको भारतमै उपचार भइरहेको छ।