काठमाडौँ– तीनकुने क्षेत्रबाट प्रहरीले लखेटेपछि राजावादीको एउटा समूहले कोटेश्वरस्थित पेरिसडाँडा क्षेत्रका एउटा गाडीमा आगजनी र एउटा बाइकमा तोडफोड गरेको छ।

तीनकुनेमा राजावादी समूहका प्रदर्शनकारीहरू उच्छंखल भएपछि प्रहरीले हस्तक्षेप गरेको थियो। त्यहाँ उनीहरुले ब्यक्तिको घरमा आगजनी तोडफोड समेत गरेका थिए। त्यसपछि प्रहरीले हवाई फायर गरेर उनिहरुलाई लखेटेको थियो।

लगत्तै उनीहरुले पेरिसडाँडामा उपद्रो मच्चाएका हुन। यता, राजसंस्था पुनस्र्थापना आन्दोलनका कमान्डर दुर्गा प्रसाई पनि एक निजी गाडीमा चढेर तीनकुनेबाट निस्किएका छन्। तीनकुनेको एक सटरमा बसिरहेका उनलाई लिन बीएबी ४२०८ नम्बरको गाडी आएको थियो।

सोही गाडीमा बसेर उनी तीनकुनेबाट निस्किएका हुन। तीनकुनेमा राजावादी प्रदर्शनकारी अराजक बन्दै जाँदा सुरक्षाकर्मीले स्थिति नियन्त्रणमा लिन प्रयास गरिरहेको छ।