काठमाडौँ– राजावादी प्रदर्शन उग्र भएपछि तीनकुनेको स्थिति तनावग्रस्त भएको छ। राजावादी प्रदर्शनकारीले ब्यक्तिको घरमा आगो लगाएपछि निभाउन गएको दमकललाई पनि प्रदर्शनकारीले ढुंगा हानेपछि प्रहरीले सुरुमा अवाई फायर गरेको छ।

सुरुमा अश्रुग्याँस प्रहार गरेको प्रहरीले स्थिती नियन्त्रणमा नआएपछि हवाई फायर गरेको हो। त्यसपछि आगो निभाउन नसकी दमकल फर्किएको छ। राजवादीहरुले गणतन्त्र खारेज र राजसंस्था पुनस्र्थापनाको माग सहित आज सभा आयोजना गरेका थिए। तर प्रहरीसँगको धकेलाधकेलले गर्दा तनाव बढेको थियो।

त्यसपछि प्रहरीले अश्रुग्याँस प्रहार गरेर भिडलाई तितरवितर पार्यो। लगत्तै उनिहरुले एउटा घरमा तोडफोड र आगजनी गरे। उनीहरुको सभा भने सुरु हुन नपाई बिथोलिएको छ। त्यहाँ नेताहरु देखिएका छैनन् ।

नवराज सुवेदी नेतृत्वको संयुक्त जनआन्दोलन समितिले व्यवसायी दुर्गा प्रसाईंलाई आन्दोलनमा जनपरिचालनको जिम्मा दिएको छ। उक्त आन्दोलनमा राजेन्द्र लिङ्देन नेतृत्वको राप्रपाको समेत साथ छ।