फेसबुकमा भावुक स्ट्याटस लेखेर सम्पर्कविहिन भएका शिवशरणको छैठौं दिन भेटियो शव

काठमाडौँ– फेसबुकमा भावुक स्टाटस लेखेर सम्पर्कविहीन भएका सिन्धुलीको सुनकोशी गाउँपालिका–७ मझुवाका २६ वर्षीय शिवशरण विक मृत अवस्थामा फेला परेका छन्।

विक चैत १० गते आइतबार राति फेसबुकमा भावुक स्टाटस लेखेर रामेछाप सदरमुकाम मन्थलीबाट सम्पर्कविहीन भएका थिए ।

त्यसको भोलिपल्ट देखि नै प्रहरीले उनको खोजी गरिरहेको थियो। खोजतलासकै क्रममा शुक्रवार बिहान मन्थली नगरपालिका–६ भलुवाजोरको बोक्से पहरा भिरमा विकको शव फेला परेको छ।

बोक्से पहराको भिरमा शव र नजिकै उनको बा २६ प ६०५९ नम्बरको मोटरसाइकल फेला परेको जिल्ला प्रहरी कार्यालय रामेछापका डिएसपी प्रदीपकुमार सिंहले जानकारी दिए। प्रहरीका अनुसार बोक्से पहरामाथि मन्थली–खुर्कोट सडक खण्डमा विकको मोबाइल, हेलमेट, पर्स लगायतका सामाग्री पनि फेला परेका छन्।


प्रतिक्रिया

Leave a Reply

Your email address will not be published. Required fields are marked *

लोकप्रिय

ताजा अपडेट