१५ दिनदेखि वेपत्ता १९ वर्षीया किशोरीको शव खाल्डोमा भेटियो, पति पक्राउ
शीर्ष खबर
१५ चैत २०८१ ५:२५
विराटनगर– इलाममा १५ दिनदेखि हराईरहेकी १९ वर्षीया किशोरीकोको शव फेला परेको छ। फाकफोकथुम गाउँपालिका–३ सल्लेरीकी विमला कट्टेलको शव खाल्डो खनेर गाडिएको अवस्थामा फेला परेको हो।
फाकफोकथुम गाउँपालिकाको गोलाइ भन्ने स्थानमा शव भेटिएको प्रहरीले जनाएको छ। शव उत्खनन गरेपछि कानुनी प्रक्रिया पूरा गरेर अनुसन्धान अघि बढाइने जिल्ला प्रहरी कार्यालयका डीएसपी मानबहादुर राईले वताए।
देउमाई नगरपालिका जितपुर माइती भएकी कट्टेल १ चैतदेखि बेपत्ता थिइन्। बुहारी हराएको भन्दै उनका ससुरा कृष्णलाल गिरीले प्रहरीमा खोजतलासको निवेदन दिएका थिए। शव फेला परेपछि प्रहरीले उनका पति उमेश गिरीलाई पक्राउ गरेको छ।
प्रतिक्रिया
