पोखरा— नेपाल घुम्न आएकी एक जना अमेरिकी महिला पर्यटक पोखराबाट अपहरणमा परेकी छन्।

पोखराको लेकसाइडस्थित होटलमा बसेकी ७० वर्षीया महिला आइतबार अपहरणमा परेकी हुन्। ती महिला मुक्तिनाथ मन्दिर भ्रमणमा आएकी थिईन।

महिलालाई अपहरण गरेको आरोपमा प्रहरीले नुवाकोटको बेलकोटगढी नगरपालिका–३ की ३७ वर्षीय सरिता लामालाई पक्राउ गरेको छ। अमेरिकी महिला र लामा चिनजानकै भएको खुलेको छ।

लामाले पर्यटक महिलालाई हेटौंडा पु¥याएर बन्धक बनाई ३ लाख यूरो फिरौती मागेको खुलेको छ। यो जानकारी पीडितले नै नेपालस्थित अमेरिकी दूतावासमा गराएकी थिईन। दूतावासले मंगलबार प्रहरीलाई घट्ना बारे जानकारी गराएको थियो।

त्यसपछि जिल्ला प्रहरी कार्यालय कास्की, केन्द्रीय अनुसन्धान ब्युरो र जिल्ला प्रहरी कार्यालय मकवानपुरको टोलीले महिलाको खोजी थालेका थिए। महिलाको हेटौंडा उपमहानगरपालिका–१९ नेवारपानीबाट उद्धार गरिएको छ।

जिल्ला प्रहरी कार्यालय कास्कीका इन्स्पेक्टर अविनाशदीप जिसीका अनुसार लामाले आफ्नो घर जान प्रस्ताव गरेपछि पीडित महिला हेटौंडा जान तयार भएकी थिईन।