सप्तरीमा मध्येराति मोटरसाईकल दुर्घटना हुँदा २७ वर्षीय युवकको मृत्यु

राजविराज– पूर्वपश्चिम राजमार्गअन्तर्गत सप्तरीको कञ्चनरुप नगरपालिका–१०, बदगामामा मध्येराति मोटरसाईकल दुर्घटना हुँदा २७ वर्षीय युवकको मृत्यु भएको छ।
भारदहबाट कञ्चनपुरतर्फ जाँदै गरेको प्रदेश २–०२–०१६ प १२५ नम्बरको मोटरसाईकल बुधबार राति करिव पौने ११ बजे अनियन्त्रित भई दुर्घटना भएको थियो। दुर्घटनामा चालक कञ्चनरुप–१२, रुपनगरका २७ वर्षीय विक्रम बञ्जाराको मृत्यु भएको हो।
दुर्घटनामा मोटरसाईकलको पछाडि वसेका सप्तरीकै रुपनी गाउँपालिका–४ का ३४ वर्षीय सन्तोष ईसर घाईते भएका छन्। उनको विराटनगर स्थित नोबेल अस्पतालमा उपचार भईरहेको इलाका प्रहरी कार्यालय कञ्चनपुरले जनाएको छ।
डीएसपी माधब काफ्लेका अनुसार दुर्घटनामा दुवै जना गम्भिर घाईते भएका थिए। उनिहरुलाई राति नै विराटनगर पठाईएको थियो। उपचारकै क्रममा बञ्जाराको मृत्यु भएको हो।
प्रतिक्रिया