पूर्वपतिसँगको सम्वन्ध नछुटेपछि श्रीमतीको हत्या गरेर आत्महत्या प्रयास, घाईतेको उपचार सुरु भएन
शीर्ष खबर 
दमक— पूर्वपतिसँग बोलचाल गरेको विषयमा विवाद हुँदा झापाको कनकाई नगरपालिकाकी ४० वर्षीया मनिषा मग्रातीको हत्या भएको खुलेको छ। पति ३९ वर्षीय लालबहादुर सार्कीले खुकुरी प्रहार गरी मनिषाको हत्या गरेका हुन्।
स्थानीय प्रहरीले दिएको जानकारी अनुसार, लालबहादुरले श्रीमतीको हत्या गरेपछि आफ्नो घाँटी आफैं रेटेर आत्महत्या प्रयास गरेका थिए। गम्भीर घाइते भएका उनलाई बिर्तामोडस्थित बीएण्डसी अस्पताल भर्ना गरिएको छ।
प्रहरी स्रोतका अनुसार उनीहरुबीच पारिवारिक कुराका कारण मध्यराति वादविवाद भएको थियो। विवाद उग्र बनेपछि लालबहादुरले मनिषालाई खुकुरी प्रहार गरेका थिए। प्रहरी स्रोत भन्छ–‘मनिषाले पूर्व पतिसँग फोनमा बोलेको निहुँमा विवाद भइ उनको हत्या भएको देखिएको छ।’
घाइतेका दाजु सुरेन्द्र सार्कीका अनुसार लालबहादुरलाई उपचारका लागि अस्पताल भर्ना गरिए पनि रकम अभावमा उपचार सुरु भएको छैन।
ताप्लेजुङको सिनाम घर भएका उनीहरु दुई वर्षदेखि कनकाई नगरपालिका–५ नारायणदल चोकका योगेन्द्र बस्यालको घरमा डेरामा बस्दै आएका उनीहरु ज्याला मजदुरी गरेर जिविको पार्जन गर्दै आएका थिए।
यो पनि,
