दमक– झापामा एक ब्यक्तिले श्रीमतीको विभत्स हत्या गरी आफुले पनि घाँटी शेरेर आत्महत्याको प्रयास गरेका छन्।

प्रहरीका अनुसार कनकाई नगरपालिका–५ नारायणदल चोकमा बस्दै आएका करिव ४२ वर्षीय लालबहादुर मंग्रातीले श्रीमती करिव ४० वर्षीया मनिषा मंग्रातीको हत्या गरी आफुले आत्महत्याको प्रयास गरेका हुन।

मनिषाको शव धारिलो हतियारले काटेको अवस्थामा फेला परेको छ। लालबहादुर भने घाँटी आधा काटिएको अवस्थामा भेटिएका थिए। उनको विर्तामोडस्थित बीएन्डसी अस्पतालमा उपचार भईरहेको छ।

वडाअध्यक्ष कृष्णबहादुर राईका अनुसार लालबहादुरले श्रीमतीको हत्या गरेको प्रहरीसमक्ष स्वीकारेका छन्। उनले बिहान करिव साढे ४ बजे छिमेकीलाई बोलाएर आफूले श्रीमतीको हत्या गरेको जानकारी दिएका थिए।

स्थानीयले खबर गरेपछि जनप्रतिनिधि र प्रहरीले घट्ना बारे जानकारी पाएका हुन। घट्नाको कारण खुलेको छैन। छिमेकीहरुका अनुसार ताप्लेजुङको सिनाम घर भएका उनीहरु दुई वर्षदेखि स्थानीय योगेन्द्र बस्यालको घरमा डेरामा बस्दै आएका थिए।

ज्याला मजदुरी गरेर जिविका चलाउँदै आएका उनीहरु सोमबार पनि दिनभर मजदुरी गरेर फर्किएका थिए। गाउँलेका अनुसार उनीहरु मादर्थ पदार्थ सेवन गरेर बेला–बेला झगडा गर्ने गरेका थिए।