गोजीमा बोकेको मोवाईल पड्किँदा १९ वर्षीय युवकको अण्डकोष फुट्यो
शीर्ष खबर 
काठमाडौँ– भारत मध्य प्रदेश राज्यको राजगढ जिल्लामा गोजीमा बोकेको मोवाईल पड्किएर एक युवकको अण्डकोष फुटेको छ।
सारंगपुरस्थित सडक किनारमा पानीपुरी बेच्ने १९ वर्षीय अरविन्दको यसरी अण्डकोष फुटेको हो। मंगलबार तरकारी किनेर मोटरसाईकलमा घर फर्किंदै गर्दा बाटोमै उनको मोबाइल पड्कियो। मोबाइल पड्किएर अनियन्त्रित भएर उनी लडेका थिए।
गम्भीर घाइते अवस्थामा उनलाई उद्धार गरी स्थानीयले सारंगपुरस्थित अस्पताल पु¥याए। प्राथमिक उपचारपछि उनलाई शाजापुरमा रेफर गरियो। उनको अण्डकोष फुट्नका साथै मोटरसाइकलबाट लडेर टाउकोमासमेत चोट लागेको जनईएको छ।
अरविन्दले हालै एउटा पुरानो मोबाइल किनेका थिए। रातभर मोबाइल चार्ज गरेका उनले बिहानै तरकारी किन्न जाँदा मोबाइल खल्तीमा बोकेका थिए। तरकारी किनेर फर्किने बेला अचानक मोबाइल पड्किएर दुर्घटना भएको उनका दाजुको भनाइ छ।
अरविन्दको उपचारमा संलग्न चिकित्सक डा. नयन नागरका अनुसार अण्डकोष फुटे पनि कुनै गम्भीर खतरा देखिएको छैन।
