प्रेस मञ्च नेपालको राष्ट्रिय महाधिवेशन वैशाख ६ र ७ गते जनकपुरमा
शीर्ष खबर 
राजविराज– जनता समाजवादी पार्टी नेपाल (जसपा) निकट पत्रकारहरुको संगठन प्रेस मञ्च नेपालले वैशाख ६ र ७ गते जनकपुरधाममा राष्ट्रिय महाधिवेशन गर्ने भएको छ।
मञ्चको आज जनकपुरधाममा सम्पन्न केन्द्रीय समिति बैठकले राष्ट्रिय महाधिवेशनको कार्यतालिका सार्वजनिक गरेको हो। महाधिवेशनका लागि फागुन मसान्तसम्म सदस्यता वितरण, चैत्र १५ भित्र जिल्ला अधिवेशन, चैत्र मसान्तसम्म प्रदेश अधिवेशन गरिसक्नु पर्ने कार्यतालिका छ।
मञ्चका महासचिव अवधेशकुमार झाका अनुसार वैशाख ६ गते महाधिवेशनको उद्घाटन सत्र सम्पन्न हुनेछ।
माउ पार्टीले भ्रातृ तथा शुभेच्छुक संगठनहरूलाई वैशाख मसान्तभित्र राष्ट्रिय महाधिवेशन सम्पन्न गर्न परिपत्र गरेपछि मञ्चले आफनो कार्यतालिका सार्वजनिक गरेको हो।
मञ्चका कार्यबाहक अध्यक्ष मनोज यादवको अध्यक्षतामा भएको बैठकले महाधिवेशनको निर्णय गरेको महासचिव झाले जानकारी दिए।
