काठमाडौँ– सभामुखले बोल्न नदिएको आरोप लगाउँदै राष्ट्रिय स्वतन्त्र पार्टी (रास्वपा) की सांसद सुमना श्रेष्ठ प्रतिनिधि सभाको बैठक कक्षबाट बाहिरिएकी छन्।

सभामुख देवराज घिमिरेले आकस्मिक समयमा आफूलाई बोल्न समय नदिएको उनको आरोप छ। सभामुखले सांसद श्रेष्ठले नाम नटिपाएको भन्दै समय उपलब्ध गराएनन्। उनले समय लिएर बोल्न पाइने भन्दै पटक–पटक नियमावलीबारे सम्झाउने कोशिस गरेका थिए।

तर, आकस्मिक समय सकिएर सुन्य समय सुरु हुन लाग्दा उठेर टेबल ठटाएकी श्रेष्ठले सभामुखको रुलिङ अश्वीकार गर्दै औंला ठड्याएर आक्रोश व्यक्त गरिन्। प्रतिनिधि सभा बैठकमा अहिले शून्य समय चलिरहेको छ।

आकस्मिक समय दलीय आधारमा पहिले नै सहमतिका आधारमा तय गरिएको हुन्छ । तर पछिल्लो समय रास्वपा सांसदहरुले अत्तो थापेर सबै बोल्न खोज्दा संसदको मर्यादामा आँच पुगेको टिप्पणी संसद सचिवालयका अधिकारीहरुको छ।

जे गरेर पनि चर्चामा आउन पूर्वमन्त्री जस्तो व्यक्तिले स्टन्टबाजी गरेर सदनको कारवाही छाड्नु गलत रहेको उनीहरु बताउँछन्। सोमवार रास्वपाबाट आकस्मिक समयमा मनिष झा बोलेका थिए।