उखु बोकेको ट्याक्टरमा मोटरसाइकल ठोक्किँदा २ जनाको मृत्यु
शीर्ष खबर
१६ पुष २०८१ २:३०
जनकपुर– सर्लाहीमा ट्याक्टरसँग मोटरसाइकल ठोक्किंदा २ जनाको मृत्यु भएको छ। बरहथवा नगरपालिका–९, मूर्तिया चोकमा उखु बोकेको ट्याक्टरसँग मोटरसाइकल ठोक्किएर दुर्घटना भएको हो।
प्रहरीका अनुसार ज१त ९८७६ नम्बरको ट्याक्टर र ज४प ३७७ नम्बरको मोटरसाइकल सोमबार राति ठोक्किंएका थिए। दुर्घटनामा मोटरसाइकल चालक बरहथवा नगरपालिका–५ का २५ वर्षीय हरिन्द्र महतो र पछाडि बसको २२ वर्षीय पुरुषोत्तम दासको मृत्यु भएको हो।
इलाका प्रहरी कार्यालय बरहथवाका डीएसपी गौतम थापाका अनुसार गम्भीर घाइते भएका उनीहरूलाई अस्पताल पु¥याईए पनि उपचारका क्रममा राती नै मृत्यु हो।
ट्याक्टर चालक बलरा नगरपालिका–७ का ३८ वर्षीय वीरेन्द्र महतोलाई प्रहरीले नियन्त्रणमा लिएको छ।
प्रतिक्रिया
