रौतहटको राजदेवीमा आगलागी हुँदा ८ घर जले
शीर्ष खबर
१५ पुष २०८१ ५:४४
जनकपुर– रौतहटको राजदेवी नगरपालिका–५ स्थित पासवान टोलमा गएराति आगलागी हुँदा ८ वटा घर जलेका छन्।
राति करिव २ बजे सुरु भएको आगलागीमा परी जगतनाथ पासवान, बाबुलाल हजरा, रामनाथ पासवान, राम सोगारथ पासवान, दीपेन्द्र पासवान, विजय पासवान, कान्ति देवी पासवान र प्रदीप पासवानको घर पूर्ण रूपमा जलेर नष्ट भएको छ।
आगलागीबाट करिव ८ लाख रुपैयाँभन्दा बढीको क्षति भएको प्रहरीको प्रारम्भिक अनुमान छ। प्रहरी, गौर नगरपालिकाको दमकल र स्थानीयवासीहरुको सहयोगमा बिहान करिव साढे ३ बजे आगो पूर्ण रूपमा नियन्त्रणमा आएको जिल्ला प्रहरी कार्यालय रौतहटका डीएसपी दीपककुमार रायले जानकारी दिए।
प्रहरीका जगतनाथ पासवानको घर नजिकै बालिएको घुरबाट आगो सल्किएको अनुमान छ।
प्रतिक्रिया
