काठमाडौं– काठमाडौँमा एक किशोरीमाथि बलात्कार गरेको आरोपमा प्रहरीले दुई जना किशोरलाई पक्राउ गरेको छ।

१७ वर्षीया किशोरीलाई बलात्कार गरेको आरोपमा शनिबार दिउँसो ती दुई जना किशोर पक्राउ परेका हुन। काठमाडौं–३० रूद्रमार्गमा बस्दै आएका १८ वर्षीय दुबै किशोर दैलेख नारायण नगरपालिका–६ का हुन।

मंगलबार राति उनीहरूले ती किशोरीलाई घुम्न जाने भनी फकाएर आफ्नो कोठामा लगेर बलात्कार गरेको पाईएको छ। घट्नाका विषयमा प्रहरी वृत्त मालिगाउँमा जाहेरी परेको थियो। सोही जाहेरीका आधारमा प्रहरीले दुवैलाई पक्राउ गरी घटनाको अनुसन्धान अघि बढाएको छ।