जनकपुर– सर्लाहीको बयलवास–बबरगञ्ज सडकखण्ड अन्तर्गत बयलवास बजार नजिक दुईवटा मोटरसाइकल ठोक्किँदा एक जना मोटरसाइकल चालकको मृत्यु भएको छ। शनिबार साँझ भएको यो दुर्घटनाका अर्का चालक घाइते भएका छन्।

बयलवासबाट खोरिया टोलतर्फ जाँदै गरेको बीआर ३० एफ ८८५६ नम्वरको मोटरसाइकल र विपरीत दिशाबाट आउँदै गरेको ना ३९ प ७१६८ नम्वरको मोटरसाइकलआपसमा ठोक्किँदा दुर्घटना भएको हो।

दुर्घटनामा ना ३९ प ७१६८ मोटरसाइकलका चालक ईश्वरपुर नगरपालिका–१०, बेलाका ५० वर्षीय राजेश चौधरीको मृत्यु भएको छ। घाईते अवस्थामा चौधरीलाई उद्धार गरी प्रादेशिक अस्पताल मलङ्गवा पु¥याउँदा मृत्यु भएको हो।

प्रहरीका अनुसार दुर्घटनामा बीआर ३० एफ ८८५६ नम्वरको मोटरसाइकलका चालक ईश्वरपुर नगरपालिका–९, खोरियाटोलका ३७ वर्षीय सुशीलकुमार राय दनुवार घाइते छन्। उनको प्रहरी निगरानीमा उपचार भइरहेको छ।