हेटौँडा– चितवन राष्ट्रिय निकुञ्जमा नेपाली सेनाको टोलीले ५ राउन्ड हवाई फायर गरी एक जना खाग तस्करलाई पक्राउ गरेको छ।

मकवानपुरको हेटौँडा–५ गर्दौई र हेटौँडा–८ को सीमानामा पर्ने प्लटिङमा हवाई फाएर गरिएको हो। जिल्ला प्रहरी कार्यालय मकवानपुरका अनुसार विशेष सुराकी आधारमा तस्कर पक्राउ गर्न २ वटा सवारीमा हेटौँडा आएका ७÷८ जना सेनाको टोलीले तस्कर भाग्न खोज्दा हवाई फायर गरेका थिए।

त्यस क्रममा चितवन राष्ट्रिय निकुञ्जको संरक्षण अधिकृतको नेतृत्वमा खटिएको टोलीले गैँडाको खाग सहित एक जनालाई पक्राउ गरेको एसपी विश्वराज खड्काले बताए। उनका अनुसार घटनाबारे पूर्ण जानकारी निकुञ्ज मार्फत गर्ने गरी तस्करीमा संलग्न व्यक्तिलाई पक्राउ गरी लगिएको छ।