सुनसरीमा १ क्विण्टल गाँजा बोकेको अटोसहित २ जना पक्राउ
शीर्ष खबर
१० पुष २०८१ १०:४३
इटहरी– सुनसरीमा प्रहरीले १ क्विण्टल गाँजासहित मंगलबार राती २ जनालाई पक्राउ गरेको छ।
हरिनगर गाउँपालिका–७, यादव टोलबाट देवानगन्ज गाउँपालिका–२ का २० वर्षीय आलम अन्सारी र ४४ वर्षीय मन्जुल मिया पक्राउ परेका हुन।
इलाका प्रहरी कार्यालय देवानगन्ज र प्रहरी चौकी घुस्कीहाटबाट खटिएको संयुक्त टोलीले उनीहरुलाई पक्राउ गरेको हो।
देवानगन्जबाट घुस्किहाटतर्फ जाँदै गरेको को.१ ह २२६१ नम्बरको अटोलाई जाँच गर्ने क्रममा अटोमा ४ वटा बोरामा लुकाई राखेको १ सय ७ किलोग्राम गाँजा बरामद भएको प्रहरीले जनाएको छ।
पक्राउ पर्ने आलम अटोचालक हुन भने मन्जुल सहचालक हुन।
प्रतिक्रिया
