जनकपुर– धनुषाको मिथिला बिहारी नगरपालिका–२ पुरण्डाहामा एक युवकको शव फेला परेको छ।

परशुराम तलाउ नजिक पुलमुनि बोराभित्र राखिएको अवस्थामा करिव ३० वर्षीय युकको शव फेला परेको हो। आज दिउँसो करिव ३ बजे शव भेटिएको विषयमा प्रहरीले जानकारी पाएको थियो।

धनुषा प्रहरीका डीएसपी बरुणबहादुर सिंहका अनुसार शव सडेगलेको अवस्थामा फेला परेको छ। घटनास्थलमा अनुसन्धानका लागि तालिम प्राप्त कुकुरसहितको टोली परिचालन गर्न लागिएको छ।