सुनसरीमा भएका दुई दुर्घटनामा दुई जनाकै मृत्यु
शीर्ष खबर 
इटहरी– सुनसरीका विभिन्न दुई ठाउँमा भएको दुर्घटना हुँदा २ जनाकै मृत्यु भएको छ। प्रहरीका अनुसार इटहरी र दुहबीमा दुर्घटना भएको हो।
कोशी राजमार्ग अन्तर्गत इटहरी उपमहानगरपालिका– १३ कालीमन्दिर नजिकै प्र १–०२–०४८ प ३४९७ नम्बरको मोटरसाइकल बुधबार दिउँसो दुर्घटनामा परेको थियो। उत्तरतर्फ जाँदै गरेको मोटरसाईकललाई प्र १–०१–००२ त ०२४९ नम्बरको ट्याक्टरले ठक्कर दिदा दुर्घटना भएको हो।
दुर्घटनामा मोटरसाइकल चालक मोरङ रंगेली नगरपालिका– ६ का ४३ वर्षीय बलराम सरदारको मृत्यु भएको हो।
यसैगरी, बुधबार बेलुका सुनसरीको दुहबी नगरपालिका– ८ जुटमिल अगाडी बागमती प्रदेश ०१–०२७च ०४८२ नम्बरको कारको ठक्करबाट पैदल यात्रीको मृत्यु भएको छ। दुहबीबाट इटहरी आउँदै गरेको कारले बाटो काट्दै गरेका स्थानीय ४५ वर्षीय गणेश गुप्तालाई ठक्कर दिएको थियो।
घाईते गुप्तालाई उपचारका लागि विराट मेडिकल कलेज भर्ना गरिएकोमा उपचारकै क्रममा मृत्यु भएको प्रहरीले जनाएको छ।
