राजविराज– सप्तरीमा बुधबार अर्नाको आक्रमणबाट एक जनाको मृत्यु भएको छ।

कोशी टप्पु वन्यजन्तु आरक्षबाट आएको अर्नाको आक्रमणमा हनुमाननगर कंकालिनी नगरपालिका– ९ का ७० वर्षीय शुभेलाल मण्डलको मृत्यु भएको स्थानीयवासी रवि शर्माले जानकारी दिए।

वडा नं. १३, कोशी पलारमा रहेको खेतमा काम गर्दै गरेका वेला अर्नाले उनलाई आक्रमण गरेको थियो। गम्भिर घाईते अवस्थामा फेला परेका मण्डललाई स्थानीयले उद्धार गरी स्थानीय अस्पताल पुर्‍याएका थिए।

उपचार गर्न नपाउँदै मण्डलको मृत्यु भएको इलाका प्रहरी कार्यालय हनुमाननगरले जनाएको छ।