कोशी टप्पुको अर्नाले आक्रमण गर्दा सप्तरीमा एक जना घाईते
शीर्ष खबर
२६ मंसिर २०८१ ७:१०
राजविराज– कोशी टप्पु वन्यजन्तु आरक्षबाट निस्किएको अर्नाले आक्रमण गरी सप्तरीमा एक ब्यक्तिलाई घाईते बनाएको छ।
सप्तकोशी नगरपालिका–३, सखुवनीका ४२ बर्षिय गोपाल खत्री अर्नाको आक्रमणमा घाईते भएका हुन। उनको अवस्था गम्भिर छ।
आफ्नै खेतमा तोरी बाली हेर्न गएको बेला खत्रीलाई अर्नाले आक्रमण गरेको सप्तकोसी नगरपालिका–३ का वडा सदस्य रमेश थापाले जानकारी दिए।
घाइते अवस्थामा फेला परेका उनलाई उपचारका लागि सुरुमा कञ्चनरुप नगरपालिका–१२, रुपनगरस्थित धर्मेस्वर अस्पताल लगिएको थियो।
त्यसपछि थप उपचारका लागि उनलाई विराटनगरस्थित नोबेल अस्पताल लगिएको वडा सदस्य थापाले वताए। खत्रीको अवस्था गम्भिर छ।
प्रतिक्रिया
