इटहरी– गाँजा तस्करी नियन्त्रणमा प्रहरीले निजी गाडीमा कडाई गरेपछि तस्करले सरकारी गाडीमा गाँजा बोक्न थालेको खुलासा भएको छ।

प्रहरीले गाँजा बोकेका दुई वटा सरकारी गाडी धरानबाट पक्राउ गरेपछि यसको खुलासा भएको हो। इलाका प्रहरी कार्यालय धरानले धरान उपमहानगरपालिका १३ बाट गाडी नियन्त्रणमा लिएको हो। जसमा ७ क्विण्टल गाँजा बरामद भएको छ।

धनकुटाबाट गाँजा बोकेर २ वटा सरकारी गाडी धरान आउँदै गरेको सूचनापछि प्रहरीले चेकजाँच सुरु गरेको थियो। त्यस क्रममा चालकले गाडी भागाउन खोजेकाले गोली पनि चलाउनु परेको प्रहरीले जनाएको छ।

४ राउण्ड गोली चलाएर १ जना मानिस र दुईटै गाडी नियन्त्रणमा लिईएको सुनसरी प्रहरीले जनाएको छ। नियन्त्रणमा लिईएका गाडी कुन कार्यालयका हुन भन्ने विषयमा जानकारी दिन प्रहरीले पत्रकार सम्मेलन गर्दैछ।

पक्राउ परेका ब्यक्तिको बारेमा पनि प्रहरीले तत्काल जानकारी दिएको छैन।