दमक– झापामा बसमा मोटरसाइकल ठोक्किएर मंगलबार दिउँसो एक जनाको मृत्यु भएको छ।

पूर्व–पश्चिम राजमार्गअन्तर्गत मेचीनगर नगरपालिका–११ तेलीबारीमा मे १० प ३५७२ नम्बरको मोटरसाइकल बागमती प्रदेश ०१–००६ ख ४९०९ नम्बरको बसमा ठोक्किएको थियो।

दुर्घटनामा मोटरसाइकल चालक चन्द्रगढी नगरपालिका–६ का करिव ४० वर्षीय किसन न्यौपानेको मृत्यु भएको हो। गम्भीर घाइते भएका उनलाई उपचारका लागि विर्तामोडको बीएन्डसी अस्पताल पुर्याउनसाथ मृत्यु भएको प्रहरीले जनाएको छ।

प्रहरीले बस चालक उदयपुरको चौदण्डीगढी नगरपालिका–६ का विजयकुमार यादवलाई नियन्त्रणमा लिएको छ। मोडमा नियन्त्रण गुमाएर बस र मोटरसाईकल आपसमा ठोक्किएको प्रहरीको प्रारम्भिक अनुसन्धानबाट खुलेको छ।