काठमाडौँ– कैलालीमा तिव्र गतिको मोटरसाइकल विजुलीको पोलमा ठोक्किँदा एक जनाको मृत्यु भएको छ।

लम्कीचुहा नगरपालिका–१, टीकापुर लम्की सडकखण्डमा भएको दुर्घटनामा जानकी गाउँपालिका–१ का ३५ वर्षीय विमल डगौँरा थारुको मृत्यु भएको हो।

जिल्ला प्रहरी कार्यालयका अनुसार शनिबार साढे १० बजे थारुले चलाएको सु.प.प्र.०१–०११ प ४७०४ नम्बरको मोटरसाइकल अनियन्त्रित भएर बिजुलीको पोलमा ठोक्किएर नालामा पल्टिएको थियो।

गम्भीर घाइते थारुको लालरत्न अस्पताल लम्कीमा उपचारका क्रममा मृत्यु भएको प्रहरीले जनाएको छ।