काठमाडौँ– कैलालीको चुरे गाउँपालिका–५, भासु भीरबाट मिनी ट्रक खसेर टुक्रा टुक्रा भएको अवस्थामा फेला परेको छ।

शनिबार बिहान सु.प्र ००१ ख २५७६ नम्बरको मिनी ट्रक भीरबाट करिब ७ सय मिटर तल खसेको अवस्थामा फेला परेको हो। ट्रक पूर्ण रूपमा क्षतविक्षत भएको छ। ट्रकमा को–को र कति जना सवार थिए भन्ने खुलेको छैन। ट्रक चालकको अवस्था पनि जानकारी छैन।

जिल्ला प्रहरी कार्यालय कैलालीका इन्स्पेक्टर दर्शन खड्काका अनुसार सडकबाट दुर्घटनास्थल पुग्न झण्डै डेढ घण्टा लाग्छ।