दमक– पूर्व–पश्चिम राजमार्ग अन्तर्गत झापा खण्डमा बुधबार विहानै बोलेरो गाडीको ठक्करबाट मोटरसाइकल चालकको मृत्यु भएको छ।

शिवसताक्षी नगरपालिका–१ स्थित कमल पुलमा बिहान करिव ५ बजे पूर्व जाँदै गरेको प्रदेश १–०१–००१ च ८२२१ नम्बरको बोलेरोले विपरीत दिशामा जाँदै गरेको मे ६ प २५१४ नम्बरको मोटरसाइकललाई ठक्कर दिएको थियो।

बोलेरोको ठक्करबाट मोटरसाइकल चालक शिवसताक्षी–८ का ३५ वर्षीय ललितबहादुर थापा घाइते भएका थिए। उनलाई उपचारको लागि बिर्तामोडस्थित बीएण्डसी अस्पतालमा भर्ना गरिएको थियो। उपचारको क्रममा बिहान करिव ७ बजे उनको मृत्यु भएको जिल्ला प्रहरी कार्यालय झापाले जनाएको छ।

बोलेरो चालक मेचीनगर नगरपालिका–८ का ३१ वर्षीय विशाल खवासलाई इलाका प्रहरी कार्यालय झिलझिलेले पक्राउ गरेको छ।