जनकपुर– धनुषाको धनुषाधाम नगरपालिका–३ मा बिहिबार स्कुल बसको ठक्करबाट ३ वर्षीया बालिकाको मृत्यु भएको छ। स्थानीय सरोज शर्माकी छोरी मानसीको मृत्यु भएको हो।

धनुषा प्रहरीका डीएसपी वरुण बहादुर सिंहका अनुसार धनुषाधाम बजारस्थित बाल आवासीय सेकेन्डरी स्कुलको ना १ क ९६९६ नम्बरको बसले ठक्कर दिँदा बालिका घाइते भएकी थिइन्। बेहोस अवस्थामा उनलाई उपचारका लागि प्रादेशिक अस्पताल जनकपुर पठाइएको थिए।

अस्पताल पु¥याएपछि चिकित्सकले उनलाई मृत घोषणा गरेको प्रहरीले जनाएको छ। बालिकाको शव पोस्टमार्टमका लागि प्रादेशिक अस्पताल जनकपुरमै राखिएको बताइएको छ। ठक्कर दिने बस चालकलाई इलाका प्रहरी कार्यालय धनुषाधामले पक्राउ गरेको छ।