काठमाडौँ– मध्यराती बालकुमारीस्थित एउटा घरमा आगलागी हुँदा ४ वटा पसल ध्वस्त भएका छन्।

बालकुमारीस्थित सिसिआरसी कलेज नजिकै रहेको स्वाभिमान श्रेष्ठको दुई तले घरमा विद्युत् चुहावट भएर आगलागी भएको हो।

महानगरीय प्रहरी प्रभाग कोटेश्वरका अनुसार आगलागीबाट घरको पहिलो तलामा भोजराज भट्टले सञ्चालन गरेको ‘डगेरा फार्मेसी’ जलेर नष्ट भएको छ। घरसँगै रहेको एउटा पान पसल, मःम पसल र ‘जुम्बा डान्स सेन्टर’ पनि जलेर नष्ट भएको प्रहरीले जनाएको छ।

आगो निभाउन काठमाडौँका तीन र ललितपुरका दुईवटा दमकलका साथै प्रहरी परिचालन गरिएको थियो। क्षतिको विवरण यकिन भईसकेको छैन।