काठमाडौँ– भक्तपुरमा ९४ वर्षीया बृद्धाको हत्या भएको छ। नगरपालिका–३, नासमनाकी विष्णुकुमारी त्वायनाको आफ्नै घरमा हत्या भएको हो।

खुट्टा डोरीले बाँधेको र मुखमा कपडा कोचेर हत्या गरेको अवस्थामा बुधबार राती प्रहरीले वृद्धाको शव फेला पारेको छ। बिहान तरकारी किनेर घर गएकी विष्णुकुमारी दिनभरि घरबाहिर देखिएकी थिईन। त्यसपछि साँझपख आफन्तले घरमा हेर्न जाँदा उनी मृत अवस्थामा फेला परेकी थिईन।

बृद्धा महिला घरमा एक्लै भएको मौका छोपेर चोरी गर्ने उद्देश्यले हत्या भएको हुन सक्ने स्थानीयको अनुमान छ। प्रहरीले घट्नाको अनुसन्धान सुरु गरेको छ। महानगरीय प्रहरी परिसर भक्तपुरका प्रमुख एसपी माधवप्रसाद बुढाथोकीले घटनाको विस्तृत अनुसन्धान भइरहेको बताए।

घटनास्थल भक्तपुर दरवार क्षेत्रस्थित प्रहरी बिटको ३ सय मिटर दक्षिणमा पर्छ।