जनकपुर– रौतहटमा मंगलबार मोटरसाइकल दुर्घटनामा परी एक युवकको मृत्यु भएको छ। पूर्वपश्चिम राजमार्ग अन्तर्गत चन्द्रपुर नगरपालिका –४ स्थित पहिलो लच्कामा प्रदेश २–०२–००४ प ७०४९ नम्बरको मोटरसाइकल दुर्घट्ना भएको हो।

दुर्घटनामा मोटरसाईकल चालक सर्लाहीको पर्सा गाउँपालिका–६ का साजिद अन्सारी (२७) को मृत्यु भएको इलाका प्रहरी कार्यालय चन्द्रनिगाहपुरले जनाएको छ। दुर्घटनामा परेर घाइते अन्सारीलाई उपचारको लागि चन्द्रनिगाहपुरस्थित अस्पतालमा पुर्याउँदा मृत्यु भएको हो।

प्रहरीका अनुसार सर्लाहीबाट निजगढतर्फ आउँदै गरेको मोटरसाईकल अनियन्त्रित भई राजमार्गबाट तल खसेको थियो। घटनालगत्तै ट्राफिक प्रहरी टोली घटनास्थल पुगेको थियो। प्रहरीले घट्नाको थप अनुसन्धान भइरहेको जनाएको छ।