काठमाडौँ– बैतडीको डिलाशैनी गाउँपालिका–२ छेपट्टकी दिपा बोहरा (३०) ले चिर्पटले हिर्काएर आफनै देउरानीको हत्या गरेकी छिन्। घरायसी विवादका कारण दिपाले देउरानी सुनिता बोहरा (२३) को हत्या गरेकी हुन।

दीपाले चिर्पटले टाउकोमा हिर्काउँदा सुनिताको घटनास्थलमै मृत्यु भएको बैतडी प्रहरीले जनाएको छ। इन्स्पेक्टर बलराम पाण्डेयका अनुसार घट्ना सोमबार राति ८ बजेको हो। घरायसी विवाद भएपछि दिपाले सुनिताको टाउकोमा हिर्काएको र उनको घटनास्थलमै मृत्यु भएको प्रारम्भिक अनुशन्धानबाट खुलेको उनले वताए।

दिपालाई प्रहरीले नियन्त्रणमा लिइसकेको पाण्डेयले बताए। घटनाका विषयमा विस्तृत अनुसन्धान भइरहेको उनको भनाई छ।