जनकपुर- रौतहटमा मकवानपुरको हात्तीसुने माविका प्रधानाध्यापक प्रेम लामामाथि गोली प्रहार भएको छ। को चन्द्रपुर नगरपालिका– १ स्थित मकवानपुरको सीमामा लामामाथि अज्ञात समूहले गोली चलाएको हो।

गोली प्रहारबाट लामा घाईते भएका छन्। उनको दाहिने गालामा गोली लागेको छ। घाईते लामाको उपचारका लागि स्थानीयले एम्बुलेन्स बोलाएर वीरगन्ज पठाएका छन्।

स्थानीय बासिन्दा समीरबाबु कार्कीका अनुसार रौतहटको चन्द्रपुर नगरपालिका– १ बाट मकवानपुरको राईगाउँ जाने सडकमा पर्ने जोगीखोलाको मुहानमा प्रधानाध्यापक लामामाथि गोली प्रहार भएको हो।

गोली चलेको स्थानमा प्रहरी पुगेको छ।