सुर्खेतमा बस दुर्घटना हुँदा ४ जनाको मृत्यु, २५ जना घाईते
शीर्ष खबर
२३ कार्तिक २०८१ ११:०५
काठमाडौँ– सुर्खेतको वीरेन्द्रनगर नगरपालिका–१४, रातानाङ्ग्ला नजिकै बस दुर्घटना हुँदा ४ जनाको मृत्यु भएको छ भने २५ जना घाइते भएका छन्।
दैलेखबाट सुर्खेत जाँदै गरेको कर्णाली प्रदेश ०२००१ ख ०९९८ नम्बरको फोर्स गाडी सुर्खेत–दैलेख सीमास्थित रातानाङ्ग्ला नजिकै सडकबाट करिब दुई सय मिटर तल भीरमा खसेको थियो।
दुर्घटनामा ४ जनाको मृत्यु भएको तर, पहिचान खुलिनसकेको जिल्ला प्रहरी कार्यालय सुर्खेतले जनाएको छ। डिएसपी वीरेन्द्रवीर विश्वकमाका अनुसार ४ जनाको घटनास्थलमै मृत्यु भएको हो।
दुर्घटनामा घाइते भएका २५ जनाको कर्णाली प्रदेश अस्पतालमा उपचार भईरहेको छ। गाडी कसरी दुर्घटना भयो भन्ने खुल्न बाँकी छ।
प्रतिक्रिया
