काठमाडौँ– अपराध अनुसन्धान कार्यालय किर्तिपुरमा कार्यरत असईसहित २ जना प्रहरी नै लुटपाटको आरोपमा पक्राउ परेका छन्।

कलंकीको रेस्टुरेन्टबाट लेदरको पुरानो पैसा लुटपाट गरेको गरेको आरोपमा आफ्नै कार्यालयको टोलीले असई अनबहादुर पुन र जवान धीरबहादुर बुढा पक्राउ परेका हुन। अनुसन्धान कार्यालयको टोलीले पक्राउ गरेर थप अनुसन्धानका लागि उनीहरुलाई बुधबार नै जिल्ला प्रहरी परिसर काठमाडौँमा पठाएको छ।

उनीहरुले छालाको पैसा लुट्नका लागि सुरुमा किन्ने भनेर मोलमोलाइ गरेको र पछि रकम नदिई छालाको पैसा लगेको आरोप लागेको छ। छालाको पैसा ल्याउने युवक र अर्का एक बिचौलिया भने अहिले फरार छन्।