बलात्कार मुद्दामा पक्राउ परेका २३ वर्षीय युवकको प्रहरी हिरासतमै मृत्यु
शीर्ष खबर
२० कार्तिक २०८१ १३:१७
काठमाडौँ– कपिलवस्तुमा बलात्कार मुद्दामा अनुशन्धानका लागि पक्राउ परेका एक युवकको प्रहरी हिरासतमै मृत्यु भएको छ।
ईलाका प्रहरी कार्यालय गणेशपुरको थुनुवा कक्षमा रहेका विजयनगर गाउँपालिका–५, ठकुरापुरका नसरुद्दिन खा (२३)को हिरासतमै मृत्यु भएको हो।
मंगलबार बिहान साढे ५ बजे शौचालय गएका उनी फलामको डण्डीमा रुमाल (तौलिया) को पासो बनाएर झुण्डिएको अवस्थामा मृत फेला परेको प्रहरीले जनाएको छ।
जिल्ला प्रहरी कार्यालय कपिलवस्तुका डीएसपी मोहनमणि अधिकारीका अनुसार उनी १५ कात्तिकमा पक्राउ परेका थिए। तिहार बिदा रहेकाले अदालतको सहमति लिएर उनलाई पक्राउ गरिएको थियो।
घटनाबारे अनुसन्धान भइरहेको प्रहरीले जनाएको छ।
प्रतिक्रिया
